Салат з брокалі і курыцай
Калі вы не любіце брокалі, вы, мабыць, не елі яе сырою. Салат з сырой брокалі – гэта калодзеж вітамінаў, а калі дадаць туды і бялок у выглядзе курынага мяса, то смела можна лічыць такі варыянт вячэры карысным і смела з’есці тазік такога салату на ноч.
Салат з брокалі і курыцай
Карысны варыянт вячэры для тых, хто думае, што брокалі – гэта не смачна. Я асабіста заўсёды пазбягала бокалі ў сваім рацыёне, пакуль выпадкова не пакаштавала салат з сырой брокалі. Зараз ем толькі сырую. Паспрабуйце і вы прыгатаваць такі салат, тым больш, што гатуецца ён хутка і проста.
Складнікі
- 400 г курынага мяса (грудка)
- 400 г брокалі
- 1 чырвоная цыбуля
- 2 ст.л. маянэзу (ці грэчаскага йогурта)
- 1 ст.л. песта
Гатаванне
- Дробна парэжце брокалі і чырвоную цыбулю.
- Курыную грудку абсмажце на патэльні да залацістага колеру і нарэжце на кавалкі.
- Злучыце разам брокалі, цыбулю і курыцу.
- Зрабіце заправу: маянэз ці ёгурт перамяшайце з песта. Запраўце салат.
